Espectáculos da nosa compañía de teatro en Vigo

A Illa Deslembranza

Sinopse

Onde rematan os recordos que non están ben amarrados?

Quen se encarga de levar da nosa mente todas esas historias vividas e que non nos lembramos delas?

Os recordos da avoa de Uxía van e ceñen como as ondas do mar e o seu ollar mesmo parece perderse nun océano profundo. Que lle está a pasar? Como Uxía, unha nena de dez anos, pode axudar a recuperar eses recordos ou, tal vez, acabarán todos na illa da deslembranza?

Ver teaser1 Ver teaser2

Mosca

Sinopse

Mosca é un xogo de nenos, algo que pode converterse nun pesadelo.

A obra narra a historia de Pedro, un neno de dez anos que sobre acoso escolar.

Pedro vese reflectivo nos ollos da súa nai, o seu pai e a súa profesora en calquera instante da peza.

Anguriante e intensa, Mosca somérxese na vida dun neno e que é o que este sinte sufrindo bullying, pero tamén no temor, nos prexuízos e o non saber que facer e como pode solucionalo e entorno no que se desenvolve Pedro. O acoso escolar é un dos problemas graves da nosa sociedade actualmente. Mosca é un proxecto que fala sobre o entorno dos nenos a través da súa familia e da escola.

A impotencia do non saber que facer e a falta de información ao non detectar o problema a tempo, a ausencia, o amor, a compaixón, o acoso.

Ártika Cía quere seguir investigando con temas que son puco visibles cunha aposta que parte dun texto de Gustavo Del Río para levar á escena realidades que son moi próximas pero das que debemos continuar expoñendo.

Ver teaser1 Ver teaser2

Pum! Pum! Quen hai?

Sinopse

"Pum! Pum! Quen hai?" é unha obra vibrante e chea de cor que mergulla aos espectadores na vida na aldea onde cada día é un xogo. Gaia, a protagonista, guía ao público a través dos xogos e segredos das portas do seu pobo. Cando aparecen novos veciños misteriosos a obra desvela unha serie de equívocos cómicos que destacan a importancia da aceptación e a diversidade.

Esta produción, cun profundo arraigo cultural e un enfoque en temas sociais actuais, convida a rir e reflexionar a toda a familia.

Non pasarán

Sinopse

Nós, fillos e fillas das democracias forxadas despois da derrota dos fascismos no século XX, procedentes de clases traballadoras que vimos como os nosos pais e nais deixaban a pel por darnos unha educación que nos permitise unha posibilidade de ascenso social, sobrevivintes ás sucesivas crises que nos levaron a poñer en dúbida todo aquel soño dunha sociedade máis igualitaria, podemos observar como nos últimos anos o ascenso de discursos populistas de extrema dereita non deixan de aparecer ao longo do mundo, acadando cotas de poder inimaxinables hai só uns anos. Trump, Bolsonaro, Milei, Meloni…figuras case que semellan saídas dunha sorte de farsa entolecida pero que foron quen de convencer a unha enorme masa de votantes para que os levasen ao poder.

O proxecto teatral "Non Pasarán" xorde como unha resposta creativa e comprometida ante os desafíos políticos e sociais do noso tempo. Nun contexto marcado polo rexurdimento de ideoloxías autoritarias e o crecemento de movementos antidemocráticos, esta obra eríxese como un faro de resistencia e conciencia, destinado a iluminar as sombras do pasado e do presente.

Cunha visión ambiciosa e un enfoque multidimensional, o proxecto establece unha serie de obxectivos claramente definidos que abarcan desde a sensibilización e a reflexión ata a acción e o compromiso. A través dunha combinación única de narrativa teatral, elementos de comedia cruel e drama absurdo, "Non Pasarán" busca non só entreter ao público, senón tamén desafiar as súas percepcións, estimular a súa imaxinación e mover os seus corazóns.